- "Birləşmiş imkanlar" Məcburi Köçkünlərlə iş şəbəkəsinin qəzeti
Газета Сети по работе с вынужденными переселенцами "Объединенные возможности"
2.25.2015
“Həmsədrlər Dağlıq Qarabağ münaqişəsinin həlli ilə bağlı işçi qrupların yaradılmasını təklif ediblər”
“Ermənilər iki azərbaycanlı
girovu saxlaya bilməzlər, əminəm ki, onları gec-tez qaytaracaqlar”.
APA-nın məlumatına
görə, bunu Azərbaycanda rəsmi səfərdə olan Türkiyə xarici işlər naziri Mövlud
Çavuşoğlu ilə görüşdən sonra keçirilən birgə mətbuat konfransında xarici işlər
naziri Elmar Məmmədyarov deyib.
2.23.2015
Lənkəranda bahalaşma əleyhinə etiraz…
Lənkəranın Liman qəsəbəsində bir qrup sakin ölkədə bahalaşmaya etiraz olaraq Bakı-Astara yolunu
bağlayıb.
Liman qəsəbə sakini İman Əliyevin
dediyinə görə, ərzaq mağazaların çoxu bağlıdır. Mağazalar əhaliyə nisyə
mal vermir. Manatın məzənnəsinin aşağı düşməsi
əhalini qəzəbləndirib.
İşıqların tez-tez söndürülməsi
insanları bezikdirib.
Azərbaycanlı jurnalistlər İstanbulda Qarabağ kitab sərgisi təşkil etdi
İstanbulda Xocalı ilə bağlı tədbirlər davam edir. Bu gün Türkiyənin İnsani Yardım Vəqfinin
yardımı ilə “The Green Park Hotel Merter”də Qarabağla bağlı kitab sərgisi
keçirilib. Sərginin təşəbbüsçüsü Yenicag.az
internet qəzetinin baş redaktoru Aqil Ələsgərin sözlərinə görə, “bu işdə İHH bizə yardımçı oldu. Azərbaycandan Qarabağ və
Xocalı ilə bağlı apardığımız kitab və disklərlə yanaşı İHH-nın Xocalının 23-cü il dönümünə həsr olunan Xüsusi
Buraxılışı” da təqdim olundu”.
Qarabağla bağlı kitablara ciddi marağın olduğunu qeyd edən
Aqil Ələsgərin
sözlərinə görə,
“Biz Qazaxıstanda başladığımız “Qarabağ” sərgisini
ötən il İnegöldəki
Türk Şölənində
də keçirmişdik.
Mərkəzi Bankdan kommersiya banklarına ciddi xəbərdarlıq
Azərbaycanda fəaliyyət göstərən bir
sıra kommersiya banklarının valyuta mübadiləsi məntəqələri ABŞ dollarının alış-satış məzənnəsinin müəyyənləşdirilməsi prosesində Mərkəzi Bankın (AMB) marja ilə bağlı tələbnaməsini
pozub.
AzVision.az
report.az-a istinadən xəbər verir
ki, Bakı şəhərinin bir çox yerində mübadilə məntəqələri əhalidən
dolları 0,85-0,90 AZN/USD məzənnəsi ilə alır. Halbuki, AMB-nin tələbnaməsinə əsasən, icazə verilən marja
+/-2% təşkil edir. Yəni, valyutanın alış-satış məzənnəsi rəsmi məzənnədən
maksimum 2% ucuz və 2% baha
(alış minimum 1,029 AZN/USD, satış isə
maksimum 1,071 AZN/USD) ola bilər.
Faktiki olaraq, paytaxtdakı valyuta mübadiləsi məntəqələri icazə verilən marjanı 7-10 dəfə aşıb və alışı rəsmi məzənnədən 14-19%
aşağı qiymətlə həyata
keçirir.
2.19.2015
İntiqam Əliyev məhkəmə heyətinə etiraz etdi
Fevralın 17-də Bakı Ağır Cinayətlər Məhkəməsində
hüquq müdafiəçisi, “Hüquq Maarifçiliyi” Cəmiyyətinin rəhbəri İntiqam Əliyevin
cinayət işi üzrə növbəti məhkəmə prosesi keçirilib. Prosesə hakim Rasim Sadıxov
sədrlik edib.
Meydan TV əməkdaşının verdiyi məlumata görə,
proses başlayan kimi hakim zərərçəkmiş Gülşən Orucovanın ifadə verəcəyini elan
edib. Lakin İntiqam Əliyev etiraz edərək, vəsatətlə çıxış edib. O, ittiham
aktının ona aydın olmadığını, nədə günahlandırıldığını bilmədiyini deyib.
Texas parlamenti Xocalı ilə bağlı yeni qətnamə qəbul edib
ABŞ-ın Texas ştatının Nümayəndələr Palatasının üzvü Jin Vu
Xocalı faciəsinin 23-cü ildönümü ilə əlaqədar qətnamə yayıb. Modern.az xəbər verir
ki, bu barədə Azərbaycanın ABŞ-dakı diaspor təşkilatı Amerika Azərbaycanlıları
Şəbəkəsi məlumat verib.
Qətnamədə qeyd edilir ki, Azərbaycanın
Dağlıq Qarabağ bölgəsində yerləşən Xocalı şəhərinin mülki əhalisi Qarabağ
müharibəsi zamanı erməni silahlı qüvvələri tərəfindən qırğına məruz qalıb: “Bu,
müharibə vaxtı baş verə biləcək cinayət haqqında xəbərdarlıq və zorakılığa yol
verməmək üçün dialoqun inkişaf etdirilməsinin zəruri olmasının acı bir
xatırlatmasıdır”.
2.18.2015
Bakı Ali Neft Məktəbinin elektron kitabxanası dünya reytinq cədvəlinə daxil olub
Bakı Ali Neft Məktəbinin
(BANM) elektron kitabxanası dünya elektron arxivinin (repozitorilərinin)
reytinq cədvəlinə daxil olub. Belə ki, dünyanın 2200-dən artıq ali təhsil müəssisəsinin
elektron arxivini əhatə edən «Webometrics Ranking of World Universities»
ümümdünya reytinq cədvəlinin 2015-ci ilin yanvar ayına olan nəticələrinə əsasən,
Bakı Ali Neft Məktəbinin elektron kitabxanası Vebometriks reytinq cədvəlinə
daxil olub.
http://repositories.webometrics.info/en/Europe/Azerbaijan
Bundan başqa, BANM-in
elektron kitabxanası dünyanın aparıcı akademik repozitorilərinin iki reyestrində
qeydiyyatdan keçib.
Heç bir qadın təcavüzə layiq deyil
Sosial şəbəkələrdə “sən də anlat” haştağı altında təcavüzə məruz
qalan insanların həyat hekayələri anladılır. Gözəl kampaniyadır, ictimai qınaq
üçün vacib addımdır. Amma təəssüf ki, təcavüzə məruz qalanlar, zorakılıqla üzləşənlər
arasında çox az adam tapılar ki, sosial şəbəkədən yararlansın, yaxud da bunu
yazmağa cəsarət etsin.
Bununla belə, bir
yerdən başlamaq lazımdır. Əgər gecə küçədə görünmək qadın üçün təhlükəlidirsə
(bugünlərdə iki kişi gecəyarısı küçədə qadına təcavüz ediblər), deməli,
ictimaiyyət reaksiya verməli, təhlükənin qarşısını almaq üçün addımlar
atılmalıdır. Necə ki, Türkiyədə bu etirazın şahidi oluruq.
Qazaxda Şəhidlər Xiyabanı baxımsızlıqdan uçulur…
Qazaxda Şəhidlər Xiyabanı
uzun müddətdir ki, baxımsız qalıb. Yerli camaat və veteranlar
bunu vətən uğrunda həlak olanların ruhuna hörmətsizlik kimi
qiymətləndirirdilər. Ancaq rayon rəhbərliyi Şəhidlər Xiyabanını
abadlaşdırılması, yenidən qurulması üçün hələ ki, addım atmır.
Veteranlardan Fəzail Əliyev deyir:
«Orada uyuyanlar bizim azadlığımız və vətənimiz uğrunda canını
fəda edən övladlarımızdır. Onlara qarşı bu cür diqqətsizlik olmamalıdır.
Milyonlarla dövlətin pulu var. Bir xiyabanı abadlaşdırmaq nə çətin işdir ki, bu
qədər müddət yubadırlar? Rayon rəhbərliyinin başı meşələri qırıb satmağa
qarışıb. Bir maraqlanmır ki, bu məzarlıqda vəziyyət necədir».
«DÖYÜŞDÜYÜMƏ HEYFSİLƏNİRƏM»
“Qarabağ Uğrunda” Jurnalist Hərəkatının loqosu hazırlanıb
Əsas hədəflərindən biri Azərbaycan juralistlərinin Qarabağla bağlı yazılarını müxtəlif dillərə tərcümə etdirərək xarici mərbuata çıxarılması olan “Qarabağ Uğrunda” Jurnalist Hərəkatının loqosu hazırlanıb. Loqonun əsas komponenti gilzəsi qələm başlığı ilə vəzələnmiş güllədir. “Silahımız qələmdir” mənasını ehtiva edən bu element Hərəkatın əsas tanıtım işarəsi olacaq. Bundan başqa, loqoda bir neçə vacib komponent də yer alıb. Bunlar işğal olunmuş rayonlarınin xəritədəki görünüşü və onların adlarıdır. Veb dizayner Anar Ağayarov tərəfindən hazırlanmış loqoda Hərəkatın adı həm Azərbaycan, həm də ingilis dillərində əks olunub.
http://musavat.com/news/media/qarabag-ugrunda-jurnalist-herekatinin-loqosu-hazirlanib_247075.html
http://musavat.com/news/media/qarabag-ugrunda-jurnalist-herekatinin-loqosu-hazirlanib_247075.html
Qadın haqları?! O, heç Avropada da yox imiş...
Hər il Avropada 62 milyon
qadın zorakılıq qurbanı olur
Avropa Təməl Hüquqlar
Agentliyinin apardığı sorğulardan bəlli olub ki, Avropada hər il 62 milyon
qadın zorakılıqla üzləşir, zorakılıq görənlərin 5 faizi cinsi istismar edilir.
Qadınlara qarşı zorakılıq faktlarının araşdırılması ilginc faktların ortaya
çıxmasına səbəb olub. Avropanın nüfuzlu elmi mərkəzlərinin apardığı
araşdırmalar Hollandiya, Finlandiya, İsveç, İngiltərə və Fransa kimi inkişaf
etmiş ölkələrin qadın zorakılığı ilə bağlı statistikada ilk yerləri tutduğunu göstərib.
Azərbaycan öz valyutasını dollara nisbətən "aşağı salmağa çalışır"
Neft qiymətlərinin düşməsi Azərbaycanın neftdən asılı
iqtisadiyyatını sınaq qarşısında qoyduğu üçün ölkə manatın dollara qarşı müəyyən
etdiyi qiymətini tərk etməyi planlaşdırır, Mərkəzi bankın rəhbəri Financial
Times qəzetinə bildirib.
“Fiskal və monetar siyasətə müəyyən düzəlişlər etmək vacibdir,” Azərbaycanın mərkəzi bankına iyirmi il ərzində rəhbərlik etmiş Elman Rüstəmov Bakıda verdiyi müsahibəsində deyib.
“Biz daha çevik məzənnə rejiminə keçməli olduğumuzu düşünürük. Tədricən inflyasiyanı hədəfləyən rejimə keçəcəyik", Mərkəzi bankın rəhbəri deyib.
“Fiskal və monetar siyasətə müəyyən düzəlişlər etmək vacibdir,” Azərbaycanın mərkəzi bankına iyirmi il ərzində rəhbərlik etmiş Elman Rüstəmov Bakıda verdiyi müsahibəsində deyib.
“Biz daha çevik məzənnə rejiminə keçməli olduğumuzu düşünürük. Tədricən inflyasiyanı hədəfləyən rejimə keçəcəyik", Mərkəzi bankın rəhbəri deyib.
2.16.2015
Əhalinin sosial vəziyyəti yaxşılaşıb
Astara rayonunda keçən ilin müvafiq dövrü ilə müqayisədə ərizə və şikayət azalıb
Regionların sosial- iqtisadi
inkişafı həmişə diqqət mərkəzində olub. Astara rayonunda digər sahələrdə olduğu
kimi ötən il rayon əhalisinə göstərilən tibbi xidmətin daha da
yaxşılaşdırılması istiqamətində bir sıra tədbirlər həyata keçirilib. Rayon Mərkəzi
Xəstəxanası yeni tibbi cihaz və avadanlıqlarla təmin edilib. Kijəbə qəsəbə sahə
xəstəxanası, Artupa həkim məntəqəsində təmir işləri davam etdirilir.
Prezidentimiz cənab İlham Əliyevin tapşırığına əsasən ötən il fevralın 17-dən
mayın 1-dək ölkə əhalisinin tibbi müayinədən keçirilməsi təmin edilib. Cənub
regionun önəmli rayonlarından biri olan Astarada bu müddət ərzində 56 min nəfər
müayinəyə cəlb olunub, xəstəlik aşkar olunanlar respublikanın ixtisaslaşmış xəstəxanalarına
göndərilib.
2.12.2015
Erməni kəşfiyyatçıya Azərbaycanda cinayət işi açıldı – Rəsmi
Erməni kəşfiyyat-təxribat qrupunun üzvü barədə həbs qətimkan tədbiri seçilib.
Hərbi Prokurorluğunun mətbuat xidmətindən “Qafqzinfo”ya daxil olan məlumata görə, 2014-cü il dekabrın 26-da cəbhənin Ağdam rayonu istiqamətində qoşunların təmas xəttini keçən ermənilərin kəşfiyyat-təxribat qrupunun üzvü, peşəkar hərbi qulluqçu Baqdasaryan Arsen Eduardoviç Azərbaycan hərbi qulluqçuları tərəfindən yaxalanıb.
Fakt üzrə Hərbi Prokurorluqda Cinayət Məcəlləsinin
29,120.2.7., 29,120.2.12. və 29,282.2-ci
maddələri ilə cinayət işi
başlanıb.
İlham Əliyev münaqişənin həlli ilə bağlı bütün variantları açıqladı
Fevralın 7-də 51-ci Münxen Təhlükəsizlik Konfransı çərçivəsində “Ukraynadan əlavə - Avropada həll olunmamış münaqişələr”
mövzusunda panel müzakirəsi
keçirilib.
”Qafqazinfo”nun Trend-ə istinadən verdiyi məlumata görə, Azərbaycan Respublikasının Prezidenti İlham Əliyev və xanımı Mehriban Əliyeva tədbirdə iştirak ediblər.
”Qafqazinfo”nun Trend-ə istinadən verdiyi məlumata görə, Azərbaycan Respublikasının Prezidenti İlham Əliyev və xanımı Mehriban Əliyeva tədbirdə iştirak ediblər.
Sloveniyanın Prezidenti Borut Pahorun sədrliyi ilə keçirilən paneldə dövlətimizin
başçısı çıxış edib və sualları
cavablandırıb.
Prezident Borut Panor: Cənab Prezident, Sizin fikrinizcə Avropa İttifaqının genişlənməsi
imkanlarının çatışmazlığı məsələsi problemin
mövcud olduğu regionda çətinliklər yaradırmı?
Bakıda evlərin kütləvi söküntüsü gözlənilir
“Tikintilər aparılarkən beynəlxalq dərəcəli avtomobil və dəmir yollarına, neft obyektlərinə və yanacaqdoldurma məntəqələrinə uzaqlıq tələblərinə ciddi riayət olunmalıdır. Əks təqdirdə, bu tikintilər qanunsuz hesab ediləcək və onlarla
bağlı icazə sənədləri qüvvədən düşmüş sayılacaq”.
Ucnoqta.az-ın məlumatına görə, bu sözləri Fövqəladə Hallar
Nazirliyinin Tikintidə Təhlükəsizliyə Nəzarət Dövlət
Agentliyinin mütəxəssisləri və hüquq şöbəsinin əməkdaşları
Qəbələdə keçirilən Şəhərsalma və Tikinti Məcəlləsinə dəyişikliklərlə bağlı
seminarda səsləndiriblər.
Подписаться на:
Сообщения (Atom)