«ATƏT həmsədrləri olan üç dövlət son 20
ildə Dağlıq Qarabağ münaqişəsinin həlli istiqamətində heç bir addım
atmayıblar. Mən doğma torpaqlarımızın işğalına son qoyulmayınca, torpaqlarıma
qayıtmayınca, Minsk Qrupunun həmsədri olan dövlətlər barədə tənqidlərimə son
qoymayacağam. Nə üçün biz bunları deməməliyik?..».
apa-nın məlumatına görə, bu sözləri «Ulu öndər
Heydər Əliyev müasir Azərbaycan dövlətinin banisidir» mövzusunda konfransda
Qaçqınların və Məcburi Köçkünlərin İşləri üzrə Dövlət Komitəsinin sədri Əli
Həsənov deyib.
«Bizim
problemlərin səbəbkarı Rusiya, ABŞ və Fransadır. Mənim söylədiyim tənqidi
fikirlər Rusiya, ABŞ və Fransa xalqlarına deyil, onların rəsmilərinə aiddir», -
Ə.Həsənov söyləyib. O, ABŞ, Rusiya və Avropanın bölgənin 3 müsəlman ölkəsi olan
Azərbaycan, Türkiyə və İranın yaxınlaşmasının qarşısını almağa çalışdığını
bildirib.
Komitə
sədri Ermənistandakı indiki hakimiyyətin mövcudluğunda Rusiyanın böyük rolu
olduğunu deyib.
http://www.azadliq.org/content/article/26997353.html
Комментариев нет:
Отправить комментарий