Nüfuzlu “Forbes”
jurnalı və digər mötəbər dərgilərin hər il hazırladığı hesabatlarda dünyanın ən prestjili universitetlərinin siyahısı göstərilir. Bu universitetlər arasında ABŞ-ın prestijli təhsil ocaqları adətən ən yüksək yerləri
tutur. Bu universitetlərdə gənclər təhsillə yanaşi, həm də müəyyən həyat təcrübəsi əldə edə və gələcəyə vəsiqə qazana
bilir. Hər il yüz minlərlə xarici tələbə məhz bu təcrübəni əldə etmək üçün
Amerika universitetlərində təhsil
almağa üstünlük verir. Bu gənclərdən biri
Kaliforniya ştatında Berkli universitetində magistr
dərəcəsi almiş hüquqşünas Aynur Cəfərdir.
Onun xaricdə təhsil haqda sosial mediada paylaşdığı esse böyük
rəğbətlə qarşılanıb. Aynur Cəfər
Amerikanın Səsinə müsahibəsində Berkli universitetində əldə etdiyi təcrübə, xaricdə təhsilin özəllikləri və
qızların təhsilinin əhəmiyyətindən danışıb.
Aynur Cəfər hüquqşünas kimi
təhsil almaq üçün
ABŞ-ın prestijli Berkli univerisitetini seçməsinin səbəblərini izah edib. Norveçdə Oslo universitetində magistr dərəcəsi alan Aynur Cəfər öz gücünü
dünyanın 10 ən yaxşı universitetlərindən birində sınamaq istədiyini
bildirib. “Bu çox prestijli universitetdir, həm də reytinqi yüksək olan bir universitetdir. Buna görə Berkli üzərində dayanmaq qərarı verdim.”
"Hüquq sahəsində təhsil hər yerdə çətindir, amma
Amerikada xüsusilə ağırdır, çünki çox sayda dəsrlər var. Müəllimlər çox tələbkardır, oxu
materialı çoxdur."-Aynur Cəfər
Aynur Cəfər tələbələrin hərtərəfli hazırlığına
xüsusi önəm verildiyini qeyd
edib. O, Berkli universitetində qazandığı təcrübə və təhsil prosesindən danışıb. “Universitetdə çox yüksək səviyyədə təhsil tədris edilir. Amma təhsil eyni zamanda çox ağırdır. Hüquq sahəsində təhsil hər yerdə çətindir, amma
Amerikada xüsusilə ağırdır, çünki çox sayda dəsrlər var. Müəllimlər çox tələbkardır, oxu
materialı çoxdur. Amma çətinliyi keçmək də bir təcrübədir. Amerikada
hüquq təhsilinin özəlliyi ondadır ki,
bu, praktik təhsildir. Təhsil bütünlüklə məhkəmə işləri üzərində qurulub, çünki burada hüquq sistemi də fərqlidir.”
Aynur Cəfər təhsil prosesində müəllim-professor heyətinin tələbələrə hər zaman yardım
göstərməyə hazırlığını
xüsusi vurğulayıb: “Sizə hamı kömək etməyə çalışır. Sizə kömək lazımdırsa, hər kəs əlbirliyi ilə sizin problemlərinizi həll etməyə çalışır. Dərs yükünün ağır olmasına baxmayaraq, dərslərin çox maraqlı,
professorlar və müəllimlərin çox mehriban olması, yardımsevər və diqqətli olmasını qeyd edə bilərəm.”
“Sizə hamı kömək
etməyə çalışır. Sizə kömək lazımdırsa, hər kəs əlbirliyi ilə sizin problemlərinizi
həll etməyə çalışır."-Aynur Cəfər
Qarabağ qaçqını olan
Aynur Cəfər “Ədalət axtarışında”
adlıTedxBaki çıxışında təhsilə çox gənc yaşlarından önəm verdiyini qeyd
edib. O, dünyanın ən nüfuzlu universitetlərindən birinə gətirən yolda çətinliklərdən danışıb: “Dərslərə yüksək dərəcədə hazır olmaq lazımdır. Tələbələr dəsrlərə detallı hazır olmalıdır. Dərs yükü olduqca
çoxdur. Mənim digər tərəfdən maddi baxımdan çətinliklərim var idi. Təqaüdüm yox idi.
Berkli universiteti mənə təqaüd verdi, amma bu, yalnız təhsil haqqını ödəyirdi. Yaşamaq xərclərini özüm ödəməli idim. Berkli, San-Fransisko yaşamaq üçün bahalı
yerdir. Ona görə də mən işlməli oldum. Üç yerdə işləyirdim. Bu, demək olar səhərdən axşama qədər qarışqa kimi çalışmaq deməkdir. Amma
düşünürdüm ki, bu seçimi etmişəm və bu yolu axıra qədər getməliyəm. Səhv etmirəmsə, romalıların bir
sözü var: “Elmin kökləri acı, meyvələri şirin olur.” Bu, bir az motivasiya verir sizə ki bu əziyyətli yoldan keçmək yaxşı gələcək vəd edə bilər. Mənim üçün bu,
motivasiya idi.”
“Elmin kökləri acı,
meyvələri şirin olur.” Bu, bir az motivasiya verir sizə ki bu əziyyətli yoldan
keçmək yaxşı gələcək vəd edə bilər."-Aynur Cəfər
Aynur Cəfər gənc qızlar üçün təhsilin önəmini qeyd edib. O,
ATƏT-in Bakıdakı
ofisində işləyən zaman layihə çərçivəsində Azərbaycan
rayonlarına səfərlərini xatırlayıb: “Məişət zorakılığına dair bir layihə var idi və biz kəndlərə gedib qadınlarla
məişət zorakılığına
dair müzakirələr aparırdıq. Mən gözlərimlə görürdüm ki, 15-16 yaşında qızlar ərə getməyə hazırlaşırlar.
Bu, dəhşətli bir şeydir, mən təsəvvür edə bilmirəm, bu bizi hansı gələcəyə sürükləyir. Xüsusilə qadınların təhsili çox önəmlidir. Çünki təhsilli ana təhsilli övlad deməkdir.”
"Xüsusilə
qadınların təhsili çox önəmlidir. Çünki təhsilli ana təhsilli övlad deməkdir."-Aynur
Cəfər
Aynur Cəfər gənclərə təhsilə xüsusi diqqət verməyi tövsiyə edib: “Gənclərə tövsiyəm odur ki, oxusunlar. Təhsilə dəyər vermək lazımdır. Təhsil elm, işıqdır. Gözlərinizlə dünyanı görmək istəyirsinizsə və özünüzü dərk etmək istəyirsinizsə təhsil çox önəmlidir. Bundan qətiyyən vaz keçməyin. Qərb təhsilinə can atın. Bu,
tamamilə başqa bir
dünyadır.”
http://m.amerikaninsesi.org/a/2837050.html
Комментариев нет:
Отправить комментарий