Cəlilabad rayonunda yağan güclü yağış nəticəsində Sabirabad
kəndində yaşayan sakinlərin evlərinə və həyətyanı əkin sahələrinə su dolub.
Hadisə
kəndin ərazisindən keçən Qarayar çayının məcrasından çıxması nəticəsində baş
verib.
Yerli
sakinlərin BBC Azərbaycancaya verdiyi məlumata görə, daşqın nəticəsində üç evə
“ciddi ziyan” dəyib və divarlarında çat əmələ gəlib.
Qarayar
çayının mövsümi çay olduğunu bildirən sakinlər daşqının səbəbinin çayın
yatağının təmizlənməməsi ilə əlaqəli olduğunu deyir.
“Yay
ərzində bu yataqlar təmizlənməlidir. Çayın ortasında ağac bitib. 10-15 ildir
ki, yağış güclü yağanda bu hadisə təkrarlanır”, sakinlərdən biri bildirib.
Həyətyanı
əkin sahələrinin suyun altında qaldığını qeyd edən sakinlərin sözlərinə görə, tədarük
olunan kartof tumları da zirzəmilərdə su altında qalaraq yararsız hala düşüb.
2-3
il əvvəl oxşar hadisə ilə üzləşdiklərini deyən sakinlər bildirir ki,
"yenicə yetişən payızlıq kartof" çay sularının altında qalıb.
Məlumata
görə, hazırda ərazidə quraşdırılmış su nasosları vasitəsilə həyatyani sahələrdən
yağış sularının çəkilməsi prosesi aparılır.
BBC
Azərbaycancanın Cəlilabad Rayon İcra Hakimiyyətdən məsələ ilə bağlı şərh almaq
cəhdləri baş tutmayıb.
Комментариев нет:
Отправить комментарий