Son günlər Qərb və ABŞ rəsmilərinin bir-birinin ardınca Azərbaycanın
ünvanına ciddi tənqidlər gəlməkdədir. Belə ki, Cen Psaki Azadlıq radiosunun əməkdaşı
Turxan Kərimovun mülki geyimli şəxslər tərəfindən saxlanılaraq polis bölməsinə
aparılmasına münasibət bildirərkən rəsmi Bakını vətəndaşların universal
hüquqlarına hörmət etməyə və onları öz baxışlarını sərbəst şəkildə ifadə etməyə
imkan verməyə çağırıb. Cen Psakinin bu bəyanatına Azərbaycan tərəfindən çox sərt
reaksiya verilib.
Mövzu ilə bağlı Deyerler.org-a fikirlərini bölüşən hüquq müdafiəçisi Əvəz Həsənov deyib ki, son zamanlar bu bəyanatlar intensiv hal alıb: “Azərbaycan hökumətində Qərbin və ABŞ-ın səsləndirdiyi bəyanatlara qarşı bir immunitet yaranıb. Əvvəllər bu cür bəyanatlar çox tez-tez baş vermirdi. Bu baxımdan Azərbaycan çalışırdı ki, bu məsələlərə müəyyən dərəcədə reaksiya verməyə çalışırdı. Amma artıq son zamanlar bu bəyanatlar intensiv hal alıb. Azərbaycan son günlər Yunanıstanda, Fransada və İtaliyada baş verən iğtişaşlar vaxtı etirazçıların zorakılıqla dağıdılmasından sonra yeni arqumentlər əldə edib. Artıq Qərblə bu dildə danışmağa başlayıb. Təbii ki, Azərbaycan kimi bir dövlətin Qərbin, məxsusən də ABŞ-ın bəyanatlarına sərt qarşılıq verməsi yaxşı hal deyil. Azərbaycan çalışmalıdır ki, öz problemlərini həll etsin və Qərblə qarşıdurmaya getməsin. Bu baxımdan Azərbaycanın ritorikası dəyişəcək. Hələ bundan sonra Azərbaycan daha sərt ritorika seçəcək. Azərbaycan bununla göstərmək istəyəcək ki, o, Qərbin təzyiqlərini qəbul etmir. Təbii ki, Qərb Azərbaycanla bağlı güzəştə gedəcəyi inandırıcı görünmür”.
http://deyerler.org/231582-zhvjz-hjsjnov-vazjrbaycandn-qjrbj-qared-cavablard-daha-da-sjrtljejcjkv.html
Комментариев нет:
Отправить комментарий