Bir qrup azərbaycanlı Facebook istifadəçisi Bakı şəhər Baş
Polis İdarəsinin nəqliyyatla bağlı rəsmi bəyanatından sonra öz qəzəbini ifadə
edib.
Bəyanatda
deyilir ki, Avropa Oyunlarna məxsus maşınların hərəkəti üçün nəzərdə tutulmuş
Oyunlar zolağında nəqliyyatın hərəkəti digər sürücülər üçün mayın 29-dan məhdudlaşdırılacaq.
Eyni
zamanda, bəyanatda əlavə olunur ki, bu cür yollardan icazəsiz istifadə edən
sürücülər 40 manat məbləğində cərimə olunacaqlar.
“Vaxt
gələcək onlar bizdən nəfəs almağa görə də pul istəyəcəklər,” Anar Veliyevadlı istifadəçi 25 mayda Bizim Yol qəzetinin
Facebook səhifəsində yazıb.
“Burada
hər şey turistlərin rahat hərəkət eləməsi üçün qadağan edilib,” Koko Shanel adlı
istifadəçi həmin səhifədə yazıb.
“Avropalı
qonaqlara boyun əyməyən şəxslərin boyunları vurulmalıdır. Görəsən Avropa ölkələri
də öz vətəndaşlarına bizə görə bu cür zülm edərdi???” Mahir Abdinov adlı
istifadəçi bilmək istəyir.
“Yazıq
camaat, işə getmək üçün paraşütdən istifadə etməlidir,” Leyla Eliyeva adlı
istifadəçi yazıb.
“Bir zolaq 4000-5000 insan üçündür və digəri isə yerdə qalan
9.5 milyon insan üçün. Fərqə baxın,” Rasim Gulmemmedov adlı istifadəçi yazıb.
“Bu,
pul yığmağın başqa bir yoludur... Dövlətimiz qanımızı içir,” Yashar Dadashovadlı istifadəçi deyir.
“Biz
öz ölkəmizdə öz yolumuzdan istifadə edə bilmirik,” Metin Ali Alizade deyir.
Bu
arada, özəl və hökumətə yaxın mətbuat orqanları Avropa Oyunlarını təbliğ edir.
Özəl
televiziya kanalı olan ANS mayın 26-da bildirib ki, Oyunlar “Azərbaycanı
dünyaya Avropa dövləti, dünyəvi bir ölkə və müsəlman Şərqi ilə xristian Qərbi
arasında körpü kimi tanıdacaq”.
“İlk
Avropa Oyunları həmçinin dünyanın Azərbaycanın qədim tarixi, musiqisi, incəsənəti,
milli yeməkləri və qonaqpərvərliyi ilə tanış olması üçün yaxşı şansdır,” TV
kanalı bildirib.
Məşhur
hökumət yönümlü xəbər saytı olan Day.az aprel ayında təəssüflə bildirmişdi ki,
Oyunlar öncəsi “bəzi yerli media orqanları və şəxslər Azərbaycanla bağlı hər
cür yalanı yaymağa hazırdırlar” və Azərbaycanın Oyunlardan narazı olduğunu
iddia edirlər.
Hökumət
yönümlü media, Oyunlar öncəsi anti-Azərbaycan “şəbəkədə” Azərbaycanın insan
haqları məsələsinin beynəlxalq aləmə yayılmasını pisləyib.
Dövlət
və hökumətə yaxın qəzetlər, saytlar, millət vəkilləri və hakim Yeni Azərbaycan
Partiyasının rəhbər üzvləri bildirib ki, yerli “anti-milli” qüvvələr və xarici
dairələr tərəfindən həyata keçirilən kampaniya, ölkənin “uğurlu inkişafı və
yüksələn beynəlxalq imicinə” paxıllıqdan irəli gəlir.
http://www.bbc.com/azeri/azerbaijan/2015/05/150526_european_games_traffic_restrictions
Комментариев нет:
Отправить комментарий