Kənd ağsaqqalı Natiq Kərimov
BBC Azərbaycancaya deyib ki, dekabrın 6-da elektrik enerjisinin fasilələrlə
verilməsinə etiraz ediblər. Amma hazırda kənddə təbii qazın olmadığı iddia
olunur.
“Qaz trubaları çəkilib
və sayğaclar qoyulub. Sayğaca müdaxilə olunduğunu deyirlər, ya da bəhanə gətirirlər
ki, qazın təzyiqi yoxdur. Qış gəlib, amma biz evimizi isidə bilmirik”, kənd
ağsaqqalı Natiq Kərimov BBC Azərbaycancaya deyir.
BBC Azərbaycancanın
Sabunçu Rayon Qaz İstismar İdarəsindən şərh almaq cəhdləri baş tutmayıb.
İşığa görə külli miqdarda borc?
Kərimovun sözlərinə
görə, noyabrın sonundan kəndə işıq fasilələrlə verilir.
“Srağagün biz İmam
Hüseyn meydanında mitinq keçirdik. Borcumuz olduğuna görə işığı fasilələrlə
verirlər, gündə 7 saat. Etiraz etdikdən sonra iki gündür işığı fasiləsiz verirlər”,
o bildirib.
Kənd ağsaqqalının sözlərinə
görə, elektrik enerjisinin sərfiyyatına görə borcun yığılmasına səbəb təbii
qazın olmamasıdır.
“Tələblərimiz
eşidildi, hakimiyyət strukturları səsimizi eşitdi. İşığa olan borcumuzu hissə-hissə
ödəyəcəyik. Camaata da dedik ki, lüzumsuz işıqdan istifadə etməsinlər. Həmişə
borcumuzu belə ödəmişik, indi birdən bu problem yaranıb”, o qeyd edib.
İşsizlik
Kərimovun sözlərinə
görə, kənd camaatı dekabrın 16-dək təbii qaz təminatı ilə bağlı problemi həll
olunmayacağı halda etiraz mitinqi keçiriəcək.
“Kəndimizdə bircə təmir
briqadası var, onlar da işi Novruz bayramına qədər bitirəcəklərini deyirlər.
Amma əgər tələblərimiz yerinə yetirilməsə, qaz borularını kəsəcəyik və sayğacı
çıxaracağıq”, kənd ağsaqqalı əlavə edib.
Kəndin sosial problemlərinin
olduğunu deyən cənab Kərimov gənclərin işsizliyindən şikayətçidir.
“Biz bilirik ki, bu
problemlər bir günün içində həll olunan məsələlər deyil. Hakimiyyətin də
adamları iki gün əvvəlki mitinqdə çəkiliş aparırdılar. Biz güzəşt istəyirik, çünki
gənclərin işi yoxdur. İstixana saxlayırıq, amma işıq və qaz fasiləsiz
olmadığına görə məhsullar xarab olur”, kənd ağsaqqalı söyləyib.
BBC Azərbaycanca
Sabunçu Rayon Enerji Satışı və Təchizatı İdarəsindən məsələ ilə bağlı şərh ala
bilməyib.
http://www.bbc.co.uk/azeri/azerbaijan/2014/12/141210_nardaran_protests
Комментариев нет:
Отправить комментарий