Avropa Şurası və Aİ-nin Komissiyası altı “Şərq tərəfdaşlığı”
ölkəsində insan hüquqlarının, demokratiya və qanunun aliliyinin inkişaf
etdirilməsinə yardıma yönəldilmiş əməkdaşlıq haqqında yeni saziş imzalayıblar.
Məlumatda deyilir ki, saziş 2015-2017-ci illərdə “Şərq tərəfdaşlığı”
proqramının iştirakçısı olan ölkələrdə - Azərbaycan, Ermənistan, Belarus,
Gürcüstan, Moldova və Ukraynada birgə proqramların maliyyələşdirilməsinə 33,8
mln. avro ayrılmasını nəzərdə tutur. Azərbaycanda QHT-lər haqqında qanunlara düzəlişlərin
qəbulundan sonra, QHT-lərin bu layihələrdə iştirak etməsi demək olar ki,
qeyri-mümkün olub.
Avropa Birliyinin Azərbaycandakı ofisi donor
kimi qeydiyyatdan keçmək proseduruna başlayacağını deyən hüquq müdafiəçisi Əvəz
Həsənov Deyerler.org-a
fikirlərini bölüşərkən deyib ki, AB üçün donor kimi qeydiyyatdan keçmə
prosesi çox da çətin olmayacaq: “Prosedur başa çatdıqda sonra QHT-lərin o
ayrılan qrant layihələrində iştirakında ciddi çətinliyi olmayacaq. Amma burada əsas
məsələ o qrantaların alınması deyil. Əsas məsələ o layihələrdən kimlərin bəhrələnməsidir.
Bu çox ciddi məsələdir. AB-nin keçmiş həmkraları olan təşkilatların çoxu
ya ölkə xaricindədir, ya onların haqqında cinayət işi var, ya da onların bank
hesabları dondurulub. Bu cür problemlər həll olunmamış o layihələrdə iştirak edəcəyini
demək çox çətindir. Düşünürəm ki, hökumətə daha loyal təşkilatlar o layihələri
ala biləcək. Müstəqil QHT-lərin fəaliyyətlərində yaranan ən önəmli problem
maliyyə məsələsi ilə bağlıdır.”
Комментариев нет:
Отправить комментарий